Kiko ta Chip i kon e ta funshoná?

Chip ta un e-wallet digital ku ta permití bo warda sèn na un manera sigur, manda i risibí pagonan, i manehá bo finansa for di bo telefòn. Bo por usa Chip pa transferensia peer-to-peer (P2P), pago di kuentanan, remesa i servisio virtual di Mastercard.

Ken por usa Chip?

Tur hende ku tin un number di telefòn lokal di Kòrsou i un dokumento di identifikashon bálido por usa Chip.

Kiko mi por hasi ku Chip?
  • Pone sèn riba bo Chip wallet dor di link un debit/credit card òf via di un nos stashonnan di top-up
  • Paga komersiante partisipante, famia òf amigunan mesora
  • Pidi sèn serka famia i amigunan via un link, kódigo QR, òf direktamente den e app. 
  • Paga un variedat di kuenta ku fasilidat.
  • Transferí plaka rònt mundu den solamente algun sekònde.
  • Hasi kompra online globalmente ku bo Mastercard virtual.
Kon mi por registrá pa un kuenta di Chip?

Pa registrá bo mester di un dokumento di identifikashon bálido i un number di telefòn lokal bálido.

Download e app for di App Store òf Google Play, habrié i sigui e instrukshonnan pa krea un kuenta. Bo mester duna bo nòmber, number di telefon i verifiká bo identidat. Unabes verifiká, bo por kuminsá usa bo kuenta.

Mi sèn ta seif ku Chip?

Sí, bo fondonan ta wòrdu wardá di un manera sigur den un kuenta di escrow, garantisando ku nan ta protehá. Adishonalmente, Chip ta usa medidanan di seguridat avansá manera enkripshon i outentikashon di dos faktor (2FA) pa protehá bo transakshonnan i datonan.

Ki ta e tarifanan di Chip?

Nos tarifanan lo ta disponibel unabes nos lansa i por hañanan den e sekshon di “Help” den e app.

Kiko ta e Mastercard virtual, i kon mi por us’é?

E Mastercard virtual ta mará na bo Chip wallet i ta permití bo hasi kompranan online na kualke kaminda ku Mastercard ta wòrdu aseptá. Bo por generá bo tarheta virtual den algun sekònde for di e app i us’é pa pagonan sigur i online.

Mi por manda remesa usando Chip?

Si, bo por manda remesa mundialmente direktamente for di Chip. E risibidó mester usa servisio di un di nos partnernan. E funshon aki lo ta disponibel pronto, i lo bo wòrdu notifiká ora e ta kla.

Mi por risibí remesa pa medio di Chip?

Ainda no, pero e abilidat pa risibí remesa lo ta disponibel den un futuro udpate. Keda pendiente pa notifikashonnan riba e funshon aki!

Kon mi por saka sèn for di Chip?

Bo por link bo kuenta di banko i pidi un cashout. Nos servisio outomatisá ta prosesá e petishonnan aki dos biaha pa dia, sigurando ku e fondonan ta wòrdu transferí pa bo kuenta mas pronto posibel.

Tin un límite riba kuantu sèn mi por warda den Chip?

Tin límitenan mensual riba transakshonnan basá riba e nivel di verifikashon di bo kuenta. Bo por mira bo límitenan den e sekshon ‘My Limits’ di e app.

Negoshinan por usa Chip?

Na e momentunan aki nò, pero keda pendiente pa e funshon aki! Sòru pa bo notifikashonnan ta sendé.

Kiko ta e benifisionan di CHIP?

Siguridat

Komo CHIP ta un e-wallet, bo  sèn lo ta riba bo wallet digital, kual ta hasi bo ménos vulnerabel pa ladrononisia.

Pagonan online instantáneo

CHIP ta hasi posibel pa aseptá pagonan instantáneo via di internet dor di usa e number di telefòn di e usuario di CHIP. E kliente no mester ta na bo tienda pa kumpli ku e pago. Ora bo manda un petishon na e number di telefon, nan lo risibí un notifikashon inmediato pa aseptá e pago i despues ku nan aseptá, e sèn lo aparesé den bo CHIP wallet mesora.

Traceability

CHIP ta ofresé un historia di transakshon mas transparente.

Pagonan sin kontakto

Ora e kliente ta den bo tienda, e por skèn i paga ku su telefòn, sin tin ningun tipo di kontakto.

No tin mester di mashin di swipe/pin

Si bo no tin un machine di swipe/pin i bo ta pèrdiendo kliente pa e motibu aki, CHIP lo eliminá e nesesidat aki dor di ofresé un alternativa pa bo kliente paga bo.

Pagonan sin kèsh

Usando CHIP bo por aseptá  pago digital instantaneo i lubida e lucha di no tin sufisiente kambio pa paga kliente bèk i e situashon ahigiéniko di traha ku sèn kèsh.

Pagonan rápido, fásil i kumbiniente

Transakshonnan ku CHIP ta kompletá den menos ku 2 sekònde i úniko kos ku bo tin mester ta telefòn selular!

Kiko ta pasa si mi pèrdè mi telefòn?

Si bo pèrdè bo telefon, tuma kontakto mesora ku nos di Chip pa blòkia akseso na bo kuenta. Bo por drenta bo kuenta tambe riba un otro aparato i kambia bo settingnan di seguridat pa protehá bo fondonan.

Kon mi por tuma kontakto ku Chip?

Bo por tuma kontakto ku nos tim via e funshon di chat den e app, òf manda nos un email na support@chipcuracao.com. Nos ta disponibel gustosamente pa yuda ku kualke asuntu òf pregunta.

Kon mi por buta sèn riba mi CHIP wallet?

Bo tin dos opshon pa agregá fondo:

  1. Bo por top-up instantáneamente pa medio di bo Visa òf Mastercard.
  2. Bo por bishitá nos stashonnan di top-up pa kombertí bo sèn kèsh den fondo digital.
Kon mi por manda sèn pa un otro persona?

Pa manda sèn, drenta den e app di Chip, selektá e opshon “Pay”, skohe e risibidó for di bo lista di kontakto òf yena su number di telefòn, introdusí e montante ku bo ke manda, i agregá un deskripshon. Konfirmá e detayenan, i e sèn lo wòrdu transferí mesora.

Mi por paga mi kuentanan usando Chip?

Si, Chip lo permití bo paga un variedat di kuenta direktamente for di e app. E funshon aki lo ta disponibel pronto, i lo bo wòrdu notifiká ora e ta kla.